September Baby's 2022 ❤️☀️

lachuli

Chasch di uf Shooting freue 🥰 es git schöni Föteli 😍

Danke 🥰 i freu mi riesig uf mini Babyshower 😍👌

Juno

Oh so schön!
Gnüss dini baby shower!
Eu allne ganz en schöne Sunntig

lachuli

@Juno wird i mache 🙂 wünsch dir au e schöne Sunntig ☀️

Meeko

mir gahts suscht au super, dä Buch wachst fliessig 😃

ah schön, gnüss dini Baby Shower 💕

lachuli

Morge zämme 😊
Wie gohts Euch so?
I han e ganz schlimmi Nacht 🌃 🌙 🌟 ka... Sehr schlecht gschlofe.
Bin froh isch hüt Fritig 🥰
Am Mäntig han i endlich mini nächst Kontrolle 🥰
Freu mi scho riesig druf 😍

Juno

@lachuli hoffe chasch die Nacht besser schlafe und dich erhole!

Freu mich also au dass Wucheänd isch😂
Ich chan im moment eigentlich sehr guet ieschlafe und wach au nur wenig uf im verglich zu vorher abr müäd bini irgendwie trotzdem. Und ich han s gfühl ich bin momentan recht luunisch, oder segmer emotional flexibel🙃
Zucker hani meh odr weniger im Griff aber das ständige mässe bzw in finger piikse findi scho ned sooo lässig... Bin froh wenn das denn dure isch... Abr isch ja scho wichtig dass das stimmt
Han am Mäntig au de nächst Termin bide fa freu mich scho mega

lachuli

@Juno oh so schön 😍 hesch au de nächst Termin am Mäntig.
Dass glaub i dir das mitem pikse im Finger kei Spass macht.
I han die Nacht 🌃 🌙 🌟 besser gschlofe 🥰

Juno

Isch alles super, wachst prima eifach dass er no mitem chopf geg obe isch aber er het ja no bizzi Ziit... Gaht abr scho plötzlich schnell de nöchst Termin isch denn scho im Spital zum bespräche
Wünsche eu allne ä schöni Wuche

Behappy22

@Juno
schön z ghöre das metem baby alles guet esch👍jo da chont bestemt no guet metde position😊
mer händ au höt de termin gha und be eusem chline esch au alles guet,guets gwicht,er wachst winer set und es seg alles super:)
besti neuigkeite ever😊

Behappy22

@lachuli wie esch din Termin gsi höt?

Behappy22

Mech donkts d nächt send sehr onterschiedlech,mängisch guet,mängisch schlächt,iha gmerkt dasi metem stillkössi fast unruhiger schlofe wie ohni,schlofed ehe all metem stillkössi?

lachuli

Min Termin isch au guet gang. Min Bueb liegt no quer het sich hüt nit so guet zeigt. Er isch 42cm gross und 1600 Gramm schwer 🥰
In 2 Wuche han i de nächst Termin.
Bin ab sofort 50% krankgschriebe...

I schlof mitem Stillküsi am Afang während de Nacht liegt uf de Site 🤪

Behappy22

wie schön das alles guet esch😊de send eusi buebe fast glich schwer mine esch 1700gr
i welere woche besch scho weder?
mhh i mues da nochli usefende wismer am beste got metem stillkössi demfal🙈

lachuli

I bin jetzt in de 32 Wuche und du? 😃

Behappy22

ah fast glich,i be ede 31ssw 😊

lachuli

@Behappy22 den simer fast glich wiit. Schön 😍

Meeko

hoi zäme, schön gahts eu und eurne babies guet 🥰 scho so gross, jetzt gahts au nümä lang, sinder scho chli nervös? 😊

mir sind jetzt au zrug us dä ferie hät namal richtig guet ta und mached die wuche na die letzte Besorgige 😃 ich muss morn ä Eiseinfusion go mache, ha leider chli tüüfi Wert, hoffe nachher bini wieder chli fitter 😊

@Behappy22 ich schlaf au mit em Stillküssi uf dä Siite mit em undere Bei liecht schräg drunder, weiss nöd obs der chasch vorstelle 😂 ich finds aber au nöd super bequem, aber ich wür mich suscht immer dreihe, schlafe eigentlich gar nöd gern uf dä Siite 🙈

Behappy22

@Meeko
schön händers gnosse ede ferie😊
jo säg nüt
mer bruche no paar sache,mer wänd drom beidi ned z vell kaufe fals mers de gar ned brucht aber be gwösse sache müemer jetz scho langsam gas geh🙈

en frog an all die wos s baby ca em september bechömed,wie esch euche kinderwage usgstattet?da chönti mer evtl no helfe🙈

wägem stillkössi jo so hani au so versuecht aber fühlmi ergendwie ihgängt-i schlof jetz halt ohni😀wägem ofe rögge dreihe hend mer d hebamme und au fraueärztin gseit solangs mer ahgnäm esch unds mer ned schlächt werd chöni au ofem rögge schlofe-mer händ e reflex wo mer üs de scho dreihe wen mer sete.

Meeko

@Behappy22 ja mir ischs ebe nüm so wohl uf em rugge, drum hilfts mir, aber super wenns dir na bequem isch 😊

gueti Frag weg em Chinderwage, mir händ erst dä Wage dihei, wür mi au wundernä, was es da na brucht 😅

lachuli

Morge zämme 😊
I wird bestimmt no e Fusssack kaufe 🥰 mir händ als Accessoire e Becherhalter dezue gnoh 🥰👌

Sit i 50 % schaffe tue gohts mir besser 🍀 🍀 chum jetzt guet zur Rueh und tuet au mim Baby guet.

Geschterd simer im Babyone gsi und händ de Kinderwage abgholt. Dezue hämer no Autositz kauft, Bettschlange, Windeleimer, Wösch Korb und e Schlof Sack... 😉
So langsam simer ready 🥰👌

Meeko

Becherhalter hämer au diskutiert und kaufed jetzt wahrschinlich au na eine 😃

das freut mi, dass es jetzt chli me zur Rueh chunsch! Ich wird wohl au nüm allzu lang mit dem Pensum wiiter möge, bi hüt wieder nach 2 Wuche Ferie go schaffe und isch recht stressig gsi…

oh wow ihr sind würkli scho wiit, ich finds so schön wie langsam alles zäme chunt 🥰 mir händ jetzt szimmer fast parat, fehled vorallem na die zusätzliche sache wie Windeleimer etc 😃

händ ihr eu es Stillplätzli igrichtet?

lachuli

Stillplätzli han i nonit igrichtet... 😉 Mir sind uns do no unschlüssig.. 😉

Süscht simer sehr guet barat 🥰👌

Behappy22

mer händ ned gnueg platz för es stillplätzli.
becherhalter tönt super-muesi mer glaub au no zue due😊
mer händ eus jetz entschede wasmer wärde mache wägem kinderwage-düend en einschlagdecki kaufe för de chli und mol met dem starte-decki hämmer e hufe verschedeni-wens de chälter werd luege mer de witer wases no brucht.

lachuli

@Behappy22 isch jo e guete Plan wo Ihr händ 🥰👌

Meeko

ja mir sind eus ebe au na unschlüssig, ob mer das wänd irichte 😊

Meeko

Guete Morge zäme, wie gahts eu so? Verträgeder d‘Hitz einigermasse? Das Gwitter gester hät richtig guet ta 😅

Ich chume morn i die 32. Wuche und am Mäntig hämer dä nächst Untersuech, freu mi sehr druf 😍

lachuli

Morge zämme 😊
I bi froh hets geschterd abkühlt... Es isch mir definitiv zwarm gsi.
Oh schön müesch den unbedingt brichte 🥰👌
I han min nächste Termin am 03 August.
Bi de letscht Kontrolle isch min Bueb 47cm gross gsi und 2037 Gramm schwer. Er isch mitem Kopf no Obe. I hoff er dreiht sich no...

Meeko

@lachuli scho so gross 😍 ja das glaubi, er hät ja aber scho na bizli ziit zum sich dreihe oder?

lachuli

@Meeko jo min FA git ihm Ziet bis zu de nöchste Kontrolle dass wäri 3 August... Süscht meldet er mich für Kaiserschnitt ah... Er cha sich den immerno dreihe und den luege mir das, wöchentlich Ah im August... 😉

Juno

Hey schön dass ihr schribed unds eu guet gaht!
bi mir gahts mit de hitz zum glück no rächt guet, bin hüt i die 33ssw cho
Euse isch au no mit em chöpfli geg ufe (füässli au) han mir die letste Wuche recht stress gmacht will mini ärztin mich scho het welle ines Spital amälde und mir nonig wüssed welles bzw sie gxeit het s einte wo mir händ welle möchi kei bzw heg wenig Erfahrig mit üsseri wändig und beckeendlag Geburt s andre scho und ich ha mich richtig mösse duresetze und sege ich well etzt mal abwarte ob er sich selber mag drehe und han etzt denn mitti August nomal en termin bi ihre
Wenn er ned träiet, tendiere mir eher zu kaiserschnitt mir lönd eus denn abr in rueh berate
Am Mäntig gahni zunre hebamme wo mer mini empfohlen het und wo mega guet söll sie mit dreihe dur akupunktur und moxe und so... Mal luege ich bricht eu denn
Uuh das isch etzt lang worde...

lachuli

@Juno i wirds jetzt au mit Akkupunktur und Moxe probiere... Han morn am Morge de erst Termin 🥰 üseri Awendig mit drucke am Buuch will i nit mache....
Wenn er sich nit dreiht gits be mir au e Kaiserschnitt 😊

Juno

Ich ha mega lang brucht zum checke wie fest ich mich under Druck ha la setzte sobald ichs denn agsproche ha het s sich gelöst au bide Ärztin... Ha mi richtig drängt gfühlt z entscheide und zwar für die Klinik wo wendig und beckenendlag Geburt macht... Das mit de wendig vo usse isch glaub au ned min wäg
Entweder mag er sich selber dreie odr ebe ned...
Bin gespannt wies bi dir isch morn!

lachuli

@Juno jo i bin au gspannt obs öpis bewirke tuet... 😉 Halt di ufem laufende 😊
Bin de glich Meinig... Entweder dreiht er sich vo selber oder ebbe nit. Min Bueb tuet das allei entscheide.... 😉

Meeko

hoi zäme, ich weiss gar nöd wie sie aktuell liit, ha zwar sgfühl sie hät sich dreiht aber bi gspannt was d‘FA am mäntig meint…

@Juno guet häsch dich nöd stresse la mit dim entscheid, am schluss muss es für dich und dis chline stimme.

ha au nur guets über Akkupunktur ghört, zb au wenn mer viel wasser ilagerige hät, isch bi mir zum glück (nanig) dä fall… bi gspannt obs öpis würkt, münd denn brichte wies gsi isch!

lachuli

Hoi zämme
I han hüt am 08h Akkupunktur ka. De Klei het sich viel bewegt.. Weiss nit ob ers so toll gfunde het... 😉
Er isch immerno mitem Kopf Obe.
Muess jetzt jedi Wuche 1x zur Akkupunktur go....

Wasserilagerig han i au nonit... Bin froh drum 🥰

Nalan83

hey zäme😊bi eigentli bide oktober gruppe abeeeeeer ich gesell mi zu euch wels zu 90% vorher wird cho min chline im buch er isch scho recht schwer und ärzt hend gseit de chunr vorher bez. au vorher gholt so wis usgseht..! im moment beni i de 30ssw.
zu mir chline update:
i ha schwangerschafts diabetis leider muess jede tag insulin sprütze😩…den isch mi gebärmuetterhals um 1cm kürzer worde vergliche vor 3woche, i ha 15min. laufe und ha den brutalschti rüggeschmerze cha nix mache…muess mich schohne…und bi zue beobachtig öfters bide kontrolle… baby chunt warschinli frühener also wirds glaub em september baby! und die hitzi macht das alles au net besser..! kurz gseit ha net grad die schönschti schwangerschaft und bi megaaa froh wenns entlich fertig isch..!
und ihr so?😅

momomo

Herzlich willkommee liebs 😍 ha glaub sit ewigkeite nüme da ine gshriebe 😂
hoffe dini schwangerschaft wird für dich nd s baby ned no strenger als es sho ish nd druck dr dumme ✊🏽✊🏽🥰🥰

momomo

Also ich weiss ja ned wies de anderne so gaht aber ich muess säge es ish mini 3 schwangerschaft und definitiv die nerveraubensti nd strengsti mit zwei chlikid nebedbii bin froh wenn mr mir sei das ich lospresse chan 😂🤪

Meeko

Hoi zäme, willkomme @Nalan83 😊 Ohje das tut mir leid zghöre, das tönt würkli nöd grad eifach und denn chunt na die Hitz dezue... hoffe, du chasch es einigermasse dure stah. Mir hiled chalti fuessbäder sehr guet und allg. eifach küehl abdusche... tun dich uf all fäll schone und mer sind ja scho im Endspurt 😊

Minere chline gaht's wunderbar, sie isch genau i dä Norm, hät sich aber au nanig dreiht, obwohl ich ja gmeint ha scho 😅 mini Ärtzin hät mir gseit, sie macht sowieso, was sie wot und sie wür jetzt au nöd gross nahelfe, aber Akkupunktur chönti usprobiere... Bis mer jetzt aber grad namal am überlegge, obi das wott, wenn sich din chline so bewegt hät @lachuli 😇

Mir gahts sowiit guet, cha mi nöd würkli nöd beklage, aber dä Stress/Astrengig bim schaffe hät mer scho biz zuegsetzt, bin ab hüt drum au 50% chrank gschriebe

lachuli

@Nalan83 herzlich Willkomme in de Gruppe. Hitz isch echt nicht ohne...
Das mitem Spritze isch sicher meega astrengend du Armi...
Tue du dich jetzt schone... I hoff schmerze vergönnt so..
Isch aber guet wirsch nöher kontrolliert.

@Meeko ah nei hets sich be dir sbaby au nonit dreiht...
I han letscht Wuche Akkupunktur ka... Het sich meega bewegt. Er isch immerno mitem Kopf obe...
Er entsche selber ob er sich dreiht... 😉

Nalan83

@momomo wow du hesch no 2kleikind dehei respekt 👀😅…i ha scho mühe mit eim grad ..🙈…!
jo i hoffe goht schnell ume und git nit nomeh komplikatione😩…!
ich mach das mau kalte fuessnad🤔👍🏻😊

momomo

@Nalan83 guete morge liebs 🥰 Han gad gester a dich müesse denke 🙈 Han kontrolle gha nd muess morn morge eifach nomal e zuckertest mache (ssw34) 😫 sie meint das ich zucker han will de chli z shwer ish 😅 bin ja gspannt was am friitig den d resultat säged 🙈 hach es wird eim eifach ned langwillig 🤣

Meeko

@lachuli machsch du akkupunktur oder moxibustion? 😊

lachuli

@Meeko ja i mach beides bim TCM Arzt. Mim Bueb hets aber nit gfalle het sich viel bewegt und boxt. 😉
Han die nächst Sitzig am Fritig grad am 08h...

Meeko

@lachuli danke für die schnell rückmeldig 😊 han mich jetzt au agmeldet, muss aber na warte bis i 2 wuche, sie macheds erst ab dä 34., vilicht hät sich bis denn ja scho öpis ta 😊

Juno

@Nalan83 willkomme ide September Gruppe, das tönt ja echt mühsam und ich wünsch dir ganz vill chraft das durezstah und hoffe du hesch glich schöni moment wo chasch Energie tanke
Hämmer ja grad es paar popo-babies da🙃
Bin am Mäntig bim Tcm gxi zum moxe und ha au Akupunktur gha, het sich bewegt abr so chli wie immer. Sie het mir denn sone Zigarre mitgeh zum dihei vorem schlafegah z mache mit Partner sie het gxeit am abig seg am beste will d baby sich ide Nacht am meiste beweged...
Mir händs denn gester usprobiert ufm balkon mit chärzli und musig und es het mich mega entspannt und es isch no schön gxi... Aaber ide Nacht hani keis Aug zueta, de chli het gfühlt nonstop rambazamba gmacht aber dreit hetter ned...
Mal luege langsam tänki ich lahs eifach uf eus zuecho und lueg obr selber mag odr ned...

lachuli

@Juno ah nei du hesch die glich Situation 🤪
I bin gspannt ob üsi Kinder sich dreihe oder nit 😉

Behappy22

Hallo zäme
ich ha scho lang nüt meh dri gschrebe,willkomme die neuzuekömmling.
es esch jetz em endspurt scho sehr e asträngendi zit-denked dra dases sech jetz nome no om paar woche handlet-und mached euch kei stress wägem baby ob er/sie sech dreiht oder ned,es get vorallem emmer e lösig und wechtig esch jo au förs baby das ehr entspannt bliebed so guet wis got.
Ich be jetz ede 35SSW ha ab dere woche nöme gschaffet(müesst bem schaffe emmer stoh)jetz gotz mer definitiv besser weli cha mache doretag wasi grad bruche.ihoff es werd nöme öber 30grad🙈

Behappy22

ich bis no einisch,a die wo sochli glich wiit send wie ich(35SSW) set 4-5täg eschs mer emmer weder schlächt,mehrmols am tag mängisch chli lenger mängisch nome chorz,unf au mi kreislauf spennt emmer wedermol,händ ehr die symtom au?i mues dezue säge am afang vode schwangerschaft eschs mer nie übel gsi-iha ghört da cha si wens baby of de mage dröckt,unahgnähm eschs trotzdem🙈

momomo

Behappy22 schrieb: »

ich bis no einisch,a die wo sochli glich wiit send wie ich(35SSW) set 4-5täg eschs mer emmer weder schlächt,mehrmols am tag mängisch chli lenger mängisch nome chorz,unf au mi kreislauf spennt emmer wedermol,händ ehr die symtom au?i mues dezue säge am afang vode schwangerschaft eschs mer nie übel gsi-iha ghört da cha si wens baby of de mage dröckt,unahgnähm eschs trotzdem🙈

Hej liebs, ich bin ide 34SSW und hans momentan au, vorallem Sodbrenne.. hani aber bi de anderne beidne kind au gha .. hesh denn no e kontrolle vor dir? sus wenns dr unwohl ish/unsicher bish lütish dinere Ärztin ah, cha ja glich bi jedere Frau was anders bedüte Liebi grüess