Schüchterne / vorsichtige Kinder

Hallo :)
Hets da au Mamis vo eher schüchterne Kind wo chli möget rede i Situatione wos echt streng isch mit dem umsgo?! Freu mi ufe Ustusch 🙃✌🏼

Kommentare

  • 🙋🏻‍♀️🙋🏻‍♀️ min Sohn isch 3. Gfühlsstark & mega schüch
  • Eini vo mine Zwillingsmeitle isch sehr schüch, aber ich empfind das als öbis sehr schöns 😊denn will sie öfters bi mir sii und ghebet werde 🤦‍♀️Es isch nur ahhstrengend wenn anderi babies und mamis da sind und sie denn permanent wot treit werde 💁‍♀️Oder wend s schwiegermami sich drüber beschwert das sie schüch isch und ich denn ihre zum x-mal dörf erkläre das sie völlig normal isch und das sie halt eifach s Mami no chli meh brucht wie die ander
  • Wie gönd ihr damit um? Er will viel treit werde wenn mer wo isch wo er nu nie gsi isch oder wenn zviel kind ume sind ischer eher de wo eh schritt retour got.... (26mt)
  • Mir tuet er in erster linie eifach sehr sehr leid 😔 er wird vo de Verwandte (vorallem die älter generation) kritisiert. Er schämt sich amigs so fest, dass er weder hoi und tschüss cha sege & goht sich go verstecke. I de KiTa chan er nöd noch meh esse und trinke fröge😥 er isch sehr introvertiert. Denn hett er no die ander siete, dass er gfühlsstark isch nöd mit gfühl chan umgoh. Das machts ganze uu schwierig 😥 ich han richtig angst vorem kindi & de schuel.
  • Also mi Sohn esch ned schüch, wörd säge er esch eifach sehr selektiv und chli reserviert. Tschüss und Hoi seit er, wenn er‘s för guet befindet. Er seit zum bspl. Tier emmer Tschüss lüt eher ned. Er het ned gern Geburtstag oder wenn‘s um hin goht. Er ghört ned zu dene Chind wo alle winked und in Kontakt treted. Aber stört mi jetzt ned sonderlich, ich fende da esch sis recht und bi Lüt wo er kennt esch es nie es Problem. Wenn er wot träg i ehn oder gibt ihm d‘Hand ohni das gross z‘hinderfrog.
  • Ja so wie Evi schriebt, isches bi üs au... er isch nöd schüch wenn für ihn alles stimmt (Umfeld,Leute) er het wo er chli er gsi isch immer schön Tschüss und Hoi gsait das het nun relativ abgeh. Aber chund sicher wieder 🙈 @lunapiena das isch au schwierig wenns so schüch sind um öpis zwelle etc...

    Da bini no gspannt wies den mol bi ihm isch....er isch nu nöd inere Kita oder Spielgruppe, tue ihn im August 2020 den id Spielgruppe... klar isch ich gib ihm de Schutz und seg ihm au das alles ok und sicher isch. Das Wort Angst sprich ich nöme us... ich wandle Sätz nur is Positive....🙃 mir tuets eifach „weh“ wenn mer min Sohn nöd gad als erfreudiges kind gsed wenn ih zb id Beck go oder öpert bekannts triffe uf de stross.... er ignoriert die Persone völlig 🤪 und denn heisst immer oh ischer müed? 😏 jaja mittlerweile segi au ja isch scho früh wach gsi 😂 und dehei chan er so voll Glück umesprunge und fröhlich sii 😃 es isch siin Charakter und natürlich spiegelt er au miin Charakter, ich bin au eher schüchtern und nöd forsch im Alltag wenns um „fremdes“ got 😅
  • Also mi Sohn tuet de au eifach nüd deglich. Aber i muess zugäh, irgendwie fend i sini abklärt Art au no cool. Wönscht i mer chönnt mer da em Alltag au ab und zue leiste.🙈 Also i säge de Lüt ame eifach, er möcht ned wenn er öper ned kennt. Fende da absolut i.o. I denke er het ganz es guet Gspüri för Nöchi und Distanz. Mich freuts för ehn, dass er so total be sich esch. Er esch au nie frech und i stirbe mängisch fasch vor Lache, wie er sis Ding durezieht. Letschmol noch em Impfe git ihm de Arzt öpis, er nimmts kommentarlos und lauft zum Bürotisch und leits ihm weder hi.😂 Stress di ned demit was anderi denket, dies Chind esch en Persönlichkeit und kei chline Soldat. Sich selber treu blibe, brucht oft meh Mut als sech apasse.
  • Also mini muus isch au vorallem schüch wenns d lüüt nöd kennt...aber bide verwandte gohts mittlerwiil...ich glaub s liit au bitzli a mir...wenn ich ide nöchi bi...denn hängt sie mir am rockzipfel...aber wenns nur mitm papi unterwegs sind...denn sinds scho au zrugghaltend, aber nöd so fest wie wenn ich debii bii
  • ich weiss nur das ich amigs recht schüch gsi bin ..unds ghasst han wenn anderi immer gseit händ isch sie schüch ..bin mir richtig schlecht vorchoh😓 isch doch jedes Chind einzigartig .. darum hani hüt noh zgfühl dasi nüt Wert bin 😕 und ehrlichgseit ischs doch au guet wenn meh chli schücher isch nid grad mit jedem mitgoht oder so🙈
  • sArA91 schrieb: »
    ich weiss nur das ich amigs recht schüch gsi bin ..unds ghasst han wenn anderi immer gseit händ isch sie schüch ..bin mir richtig schlecht vorchoh😓 isch doch jedes Chind einzigartig .. darum hani hüt noh zgfühl dasi nüt Wert bin 😕 und ehrlichgseit ischs doch au guet wenn meh chli schücher isch nid grad mit jedem mitgoht oder so🙈

    du machsch das scho richtig...ich seg allne wo blöd tönd oder irgendwas negatives seget...das sie für sich luege söllet....Schüüch sii isch nix negatives! und mer muess überhaupt nüüt dra ändere, sondern me sölls unterstütze...mit de unterstützig wirds denn spöter scho besser mitm schüüch sii!...;) @sArA91 ich bi au mega schüüch und mir het mer als Kind au immer ihhtrichteret das da schlecht isch...:) aber siiti ich d Kindererzieherin Usbildig als 2. Bildigsweg mache...weiss ich das das alles quatsch isch...chinder söll mer so loh wie s sind...me söll sie i allem eifach unterstütze!

    Jede isch einzigartig und chunnt so use wie er use cho muess, wenn mer eifach hilft, motiviert und unterstützt
  • Das isch so. Gesellschaft chan so viel kaputt mache 😏😢
  • Min Sohn isch au eher en zrugg haltende.
    Wenn es anders Kind chunt, secklet er devo (wenns chli z schnell anelauft).
    Chunt denn immer zu mir "Mama Mama Mama".
    Letschti hane aber beobachtet, wie er amene Chind öpis weg het welle nä.. ich glaub er isch chli en heimlifeisse 🙈

    Ich persönlich bi ganz en schüchi gsi. Bi immer am Erwachsnetisch ghöcklet und ha zueglost.
    Bin de mit 25gi is Usland gange ga Sprach lerne. Sit da schisst mi niemert me vode Site a. Bi 360 Grad dreit ume retour cho. Finde mich so au super 🥳
  • Pinny schrieb: »
    Jede isch einzigartig und chunnt so use wie er use cho muess, wenn mer eifach hilft, motiviert und unterstützt

    Genau so isches 👏🏻 ich han nöd mit mim chind mühe sondern mit de gsellschaft wo eim de idruck gitt dass s‘eigete chind en schade hett.
  • Hett mir chli Auge göffnet und bin somit gad mega froh um eui Wort🙏🏻😍
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland